TG: అకాల వర్షాలు అన్నదాతలకు కడగండ్లు మిగులుస్తున్నాయి. నిన్న నల్గొండ జిల్లా టేకులగూడెంలో ఈదురుగాలులతో కూడిన భారీ వర్షం కురవడంతో ఓ నిమ్మతోటలో వందల చెట్లు వేర్లతో సహా నేలకూలాయి. దీంతో మహిళా రైతు తీగల సుగుణమ్మ చెట్లను పట్టుకొని బోరున విలపించారు. తన కొడుకులు పట్నంలో కష్టపడి పనిచేసి పెట్టుబడి పెడితే ఇప్పుడు తీవ్ర నష్టం వాటిల్లిందని కన్నీరుమున్నీరయ్యారు. ప్రభుత్వం ఆదుకోవాలని కోరారు.