సోషల్ మీడియాలో వైరలయ్యేందుకు ప్రాణాలకు తెగించి కొందరు వీడియోలు తీసుకుంటున్నారు. తాజాగా ఓ వ్యక్తి రైలు ముందు షారుఖ్ ఖాన్ పోజులో నిల్చొని వీడియో తీసుకుంటుండగా అతణ్ని రైలు ఢీకొట్టింది. దీంతో ఎగిరిపడటంతో పక్కనే ఉన్న మరో వ్యక్తి అతణ్ని లాగేశాడు. అతను దూరంగా నిల్చోకపోవడంతో ఈ ప్రమాదం జరిగింది. దీనికి సంబంధించిన వీడియో వైరలవుతోంది. ఇలా ప్రమాదకరంగా రీల్స్ చేసుకోవడం మానుకోవాలని నెటిజన్లు సూచిస్తున్నారు.
