పలు దేశాల్లోని అఫ్గాన్ రాయబార కార్యాలయాలతో తమకు సంబంధం లేదని తాలిబన్లు తేల్చిచెప్పారు. గత సర్కారు పాలనలో వాటి నుంచి జారీ చేసిన వీసాలు, పాస్పోర్టులు, పత్రాలను తాము అనుమతించమని స్పష్టం చేశారు. విదేశాల్లోని అఫ్గాన్ పౌరులు అక్కడి ‘ఇస్లామిక్ ఎమిరేట్ ఆఫ్ అఫ్గానిస్థాన్’ కార్యాలయాలను సంప్రదించాలని సూచించారు. 2021లో తాలిబన్ల పాలన మొదలైనా ఇప్పటి వరకు వారిని ఏ దేశమూ అధికారికంగా గుర్తించలేదు.
