TG: మగపిల్లలెంతమంది ఉన్నా ఆడబిడ్డ ఉంటే ఆ సందడి, కళే వేరు. ఇదే ఆనందాన్ని అనుభవిస్తున్నారు పొడకంటి క్రాంతి, సుమ దంపతులు. వారిది మహబూబాబాద్లోని కేసముద్రం మండలం తాళ్లపూసపల్లి గ్రామం. తొలి 2 కాన్పుల్లోనూ వారికి మగపిల్లలే పుట్టారు. ఈ నెల 10న 3వ కాన్పులో ఎట్టకేలకు పండంటి ఆడబిడ్డ పుట్టింది. దీంతో వారి ఇంట సంబరాలు మిన్నంటాయి. లక్ష్మీదేవి తమ ఇంట అడుగుపెట్టిందంటూ బిడ్డ రాకను వేడుకగా చేసుకున్నారు.
