జమ్మూకశ్మీర్ లో ఉగ్రవాదులు మరోసారి రెచ్చిపోయారు. గండోహ్ ప్రాంతంలో సెర్చ్ టీమ్పై కాల్పులకు తెగబడ్డారు. జవాన్లు ఇందుకు దీటుగా బదులిచ్చారు. ఈ ఎన్కౌంటర్ ఇంకా కొనసాగుతోందని, ముష్కరుల కోసం మరిన్ని బృందాలు రంగంలోకి దిగినట్లు సమాచారం. మరోవైపు పరారీలో ఉన్న నలుగురి ఉగ్రవాదుల ఊహాచిత్రాలను పోలీసులు రిలీజ్ చేశారు. కాగా జమ్మూకశ్మీర్లో గత మూడు రోజుల్లో ఇది నాలుగో ఉగ్రదాడి కావడం గమనార్హం