మంచు ఫ్యామిలీలో మనోజ్, విష్ణు మధ్య ఆస్తి వివాదం రోజురోజుకు ముదురుతున్న విషయం తెలిసిందే. ఈ నేపథ్యంలో మనోజ్ తన సోదరి మంచు లక్ష్మిని కలిసిన వీడియో వైరలవుతోంది. హైదరాబాద్లో నిన్న జరిగిన ఓ ఈవెంట్లో మనోజ్ను చూడగానే లక్ష్మి ఎమోషనల్ అయ్యారు. ఆయనను హత్తుకుని కన్నీటి పర్యంతమయ్యారు. పక్కనే ఉన్న మనోజ్ సతీమణి మౌనిక ఆమెను ఓదార్చారు. కాగా సోదరుల మధ్య గొడవలతో లక్ష్మి బాధపడుతున్నట్లు తెలుస్తోంది.
