TG: కరీంనగర్ జిల్లాలో ఓ విషాదకర ఘటన చోటుచేసుకుంది. కూతురు పెళ్లికి చేసిన అప్పు తీర్చలేక ఓ తండ్రి పురుగుల మందు తాగి ఆత్మహత్య చేసుకున్నాడు. స్థానికుల వివరాల ప్రకారం.. ఇల్లందకుంట మండలం రాచపల్లి గ్రామానికి చెందిన పెద్ద సమ్మయ్య-సుగుణ దంపతులకు ముగ్గురు కుమార్తెలు. పెద్ద కుమార్తె శృతి పెళ్లికి దాదాపు రూ.6 లక్షల అప్పు కావడంతో, ఇంకా పెళ్లికి ఇద్దరు కూమార్తెలు ఉండటంతో మనస్తాపం చెందిన ఆయన పొలంలో పురుగుల మందు తాగి సూసైడ్ చేసుకున్నాడు.
