AP: 2024-25 ఆర్థిక సంవత్సరంలో ఉపాధి హామీ అమల్లో 6.50 కోట్ల పనిదినాలను కేంద్రం అదనంగా కేటాయించినట్లు డిప్యూటీ సీఎం పవన్ కళ్యాణ్ తెలిపారు. తొలి విడతగా కేటాయించిన 15 కోట్ల పనిదినాలు జూన్ నెలాఖరుకే పూర్తయినందున అదనపు పనిదినాల కోసం కేంద్ర ప్రభుత్వానికి ప్రతిపాదనలు పంపినట్లు ఆయన చెప్పారు. తమ విజ్ఞప్తికి కేంద్రం అంగీకరించిందని, దీని వల్ల 54 లక్షల కుటుంబాలకు లబ్ధి చేకూరుతుందని పవన్ వెల్లడించారు.
